பக்தி படிகள் எனும் இந்த செயல்முறை, குழுவில் இருக்கும் பக்தர்கள் ஹரே கிருஷ்ண மந்திரத்தை ஜபித்தல், மற்றும் அவர்களது ஆன்மீக தர நிலைகளின் அடிப்படையில் அங்கீகரித்து, பக்தர்கள் குழுக்களை ஊக்குவிக்கிறது. பக்தர்கள் குழுவில் இருக்கும் பக்தர்களை ஒருங்கிணைக்கவும், அவர்களுடைய பக்தி தொண்டை அதிகரிக்கவும், இந்த செயல் முறை பெரிய அளவில் உதவுகின்றது. கிருஷ்ண பக்தியில் முன்னேற்றம் அடைவதில் தீவிரமாக இருக்கும் பக்தர்களை அடையாளம் காண்பது என்னும் ஒரு அமைப்பையும் இது வழங்குகிறது. உங்களுடைய குழுக்களை உருவாக்குவது மற்றும் ஒருங்கிணைப்பது போன்றவை இதன் முக்கிய கருத்தாகும்.

பக்தி படிகள் எனும் இந்தத் திட்டத்தில் ஐந்து நிலைகள் உள்ளன, இது படிப்படியாக ஹரிநாம தீக்ஷை நிலை வரை ஒருவரை எடுத்துச் செல்லும். நிலைகள் சுருக்கமாக கீழே கொடுக்கப்படுகிறது:

ஸ்ரத்தவான் — குறைந்தபட்சம் ஒரு சுற்று ஹரே கிருஷ்ண மஹா மந்திரம் உச்சாடனம் செய்வது மற்றும் ஸ்ரீல பிரபுபாதருடைய புத்தகங்களை படிப்பது.

கிருஷ்ண (அ) கௌர சேவகர் — குறைந்தபட்சம் நான்கு சுற்றுகள் ஹரே கிருஷ்ண மஹா மந்திரம் உச்சாடனம் செய்வது, மாமிசம் (மீன், முட்டை) போன்றவற்றை தவிர்ப்பது, பகவான் கிருஷ்ணரை முழுமுதற்கடவுள் என்று ஏற்றுக்கொள்வது, மேலும் ஒழுக்கக்கேடான செயல்களை முற்றிலும் தவிர்க்க வேண்டும்.

கிருஷ்ண (அ) கௌர சாதகர் — குறைந்தபட்சம் எட்டு சுற்றுகள் ஹரே கிருஷ்ண மஹா மந்திரம் உச்சாடனம் செய்வது, சாதன பக்தியை பயிற்சி செய்து பகவான் கிருஷ்ணரை இல்லத்தில் வழிபட்டு, பிரசாதத்தை ஏற்றுக்கொள்ளுதல் வேண்டும். போதை வஸ்துக்கள், மாமிசம் உண்பது (மீன் & முட்டை உட்பட), சூதாட்டம் மற்றும் திருமணத்திற்கு புறம்பான உடலுறவு ஆகியவற்றிலிருந்து விலகி இருத்தல்.

ஸ்ரீல பிரபுபாத அஷ்ரயா — குறைந்தபட்சம் பதினாறு சுற்றுகள் ஹரே கிருஷ்ண மஹா மந்திரம் உச்சாடனம் செய்வது, நான்கு விதிமுறைகளை பின்பற்றி, சாதனாவை முறையாக பயிற்சி செய்ய வேண்டும்.

ஸ்ரீ குரு சரண அஷ்ரயா — ஸ்ரீல பிரபுபாத அஷ்ரயாவிற்கு இருக்கும் தர நிலைகளை குறைந்தபட்சம் ஆறு மாதங்கள் பயிற்சி செய்ய வேண்டும், மேலும் அதிக நம்பிக்கையுடன் இஸ்கானின் தீக்ஷை வழங்கும் ஆன்மீக குருவிடம் சரணடைதல்.

​

அங்கீகாரம்​ – பயிற்சி செய்யும் பக்தர் குழு அங்கத்தினர்கள் தாங்கள் ஏற்றுக் கொள்ளப்பட்டதையும், தாங்கள் முன்னேறி வருவதையும் உணர்கிறார்கள். தங்கள் பக்தி முயற்சிகளுக்காக அவர்கள் பாராட்டப்படுவதாக உணர்கிறார்கள். இது, அவர்கள் மென்மேலும் முன்னேறுவதற்கான உத்வேகத்தை அளிக்கிறது.

படிப்படியான முன்னேற்றம்​ – பக்தி படிகள் எனும் இந்த செயல்முறை பக்தர் குழு அங்கத்தினர்களுக்கு சாதன பக்தியின் படிப்படியான அணுகுமுறையை வழங்குகிறது. நான்கு கட்டுப்பாடு விதிகள் மற்றும் பதினாறு சுற்றுகள் ஹரே கிருஷ்ண மஹா மந்திரம் ஜபம் செய்வது ஆகியவை கடைப்பிடிக்கப்பட்டால் மட்டுமே ஒருவர் கிருஷ்ண உணர்வில் முன்னேற முடியும் என்று கூறுவது தத்துவ ரீதியாக தவறாகும், இது அவர்களுக்கு ஊக்கம் அளிப்பதில்லை. பெரும்பாலும் ஹரிநாம தீக்ஷைக்கு தேவைப்படும் தர நிலைகளை உடனடியாக மக்களால் ஒரு இலக்காக கொள்ள முடியாது. அடுத்த படிநிலையின் மீது மனதை நிலைநிறுத்துவது அவர்களுக்கு சுலபமானதாகும். ( ஒரு சுற்றிலிருந்து 4 சுற்றுகள், பிறகு 8 சுற்றுகள், சைவ உணவை உட்கொள்வதிலிருந்து கிருஷ்ண பிரசாதத்தை மட்டுமே உண்பது போன்றவை)

நிதி பங்களிப்புகளின் அடிப்படையில் அல்ல – சில சமயங்களில் மக்கள் நன்கொடை கொடுத்தால் மட்டுமே ஆலயத்தின் உறுப்பினர்களால் பாராட்டப்படுவார்கள் என்று எண்ணுகிறார்கள். நன்கொடை கொடுக்க இயலாதவர்கள் இதனால் நிராகரிக்கப்பட்டதாக உணர்கிறார்கள். பக்திபடிகள் எனும் இந்த செயல்முறை எந்த ரீதியிலும் நன்கொடைகளுடன் தொடர்பு இல்லாததாக இருக்கிறது. இது, பொருளாதார ரீதியாகப் பின்தங்கி இருந்தாலும் அனைவருக்கும் சுதந்திரமாக வழங்கப்படும் வாய்ப்பாகும்.

குறைபாடுகளைத் தடுக்கிறது​ – அகில உலக கிருஷ்ண பக்தி இயக்கத்தில் ஹரிநாம தீக்ஷைக்கு என்று உயர்ந்த தர நிலைகளை ஸ்ரீல பிரபுபாதர் நிறுவினார். அகில உலக கிருஷ்ண பக்தி இயக்கத்திற்கு வெளியே இருக்கும் நிறுவனங்களும், மடங்களும், தனிநபர்களும் இஸ்கான் பக்தர்குழு அங்கத்தினர்களிடம் வெறுமனே சில குறைந்த தரநிலைகளே ஹரிநாம தீக்ஷைக்கு உள்ளது என்று கூறி அவர்களை பயன்படுத்திக் கொள்கிறார்கள். இதுபோன்ற மலிவான தீக்ஷை பக்தர் குழு அங்கத்தினர்களை கவர்ந்திழுக்கின்றன. பக்திபடிகள் எனும் இந்த செயல் முறையின் மூலம் பக்தர்குழு அங்கத்தினர்கள் அனைவருமே ஸ்ரீல பிரபுபாதருடைய இயக்கத்தை சார்ந்தவர்கள் என்ற உறுதியான எண்ணம் வளர்க்கப்படுகிறது. இஸ்கான் வழங்கும் இந்த பக்திப் படிகள் என்பதை ஏற்றுக்கொள்வதன் மூலம் இஸ்கானுடன் அவர்களின் தொடர்பு மீண்டும் உறுதிப்படுத்தப்படுகிறது.